Ar soludoù

  • Impiljout, sevel hag ober al liamm etre skeudennadurioù soludoù ha degouezhioù er spas.
  • Dioren ar sellva er spas.
I
Prism skouer
Termenadur 1 :
Ar prismoù skouer a zo soludoù gant :
- 2 dal stumm poligonoù gante, parallelek ha dreistlakaus, anvet diazoù
- talioù skouergornek skouer d'an diazoù, anvet talioù kostezel.

Evezhiadenn 1 :
Ar pavezioù hag ar c'huboù a zo prismoù heverk
Skouer 1 :
Patrom ar prismoù skouer


II
Kranenn-dro
Termenadur 1 :
Ar c'hranennoù-tro a zo soludoù gant :
- 2 zisk dreistlakaus, anvet diazoù
- ur gorread o kelc'hiañ an diazoù, emañ e batrom ur skouergorneg, anvet gorread kostezel.

III
Ar piramidennoù
Termenadur 1 :

Ar piramidennoù a zo soludoù emañ o diaz ur poligon hag o zalioù koztezel a zo tric'hornioù gant ur beg boutin.
Anvet eo uhelder an hed etre ar beg hag an diaz.

Termenadur 2 :
Ur biramidenn reoliek a zo ur biramidenn emañ he zalioù stumm tric'hornioù izoskelel dreistlakaus.
IV
Konoù-tro
Termenadur 1 :

Ar c'honoù-tro a zo soludoù savet en ur lakaat un tric'horn skouer da dreiñ tro-dro d'unan eus kostezioù ar c'horn skouer.

V
Sferenn ha boul
Termenadur 1 :

- Ur sferenn $O$ ha c'hreiz ha s he skin a zo hollad poentoù $M$ ar spas o vezañ $OM=s$.
- Ur boul $O$ e greiz ha s e skin a zo hollad poentoù $M$ ar spas o vezañ $OM \leq s$.

VI
Skejadennoù soludoù disheñvel
A
Skejadenn ar pavez
Perzh 1 :

Skejadenn ur pavez gant ur plaen parallelek d'an diaz a zo ur skouergorneg a-vent gant an diaz.

Skouer 1 :
B
Skejadenn ar granenn-dro
Perzh 1 :

Skejadenn ur granenn-dro dre ur plaen parallelek d'an diaz a zo ur c'helc'h a-vent gant an diaz.

Perzh 2 :

Skejadenn ur granenn-dro dre ur plaen parallelek d'he uhelderenn a zo ur skouergorneg.

C
Skejadenn ur biramidenn pe ur c'hon-tro
Perzh 1 :

Skejadenn ur biramidenn dre ur plaen parallek d'he diaz a zo ur poligon hag a zo ur bihanadur eus an diaz.

Perzh 2 :

Skejadenn ur c'hon-tro dre ur plaen parallek d'e ziaz a zo ur disk hag a zo ur bihanadur eus an diaz.

D
Skejadenn ur sferenn
Perzh 1 :

Skejadenn ur sferenn dre ur plaen a zo ur c'helc'h.