- Tric'hornioù : keñverioù trigonometriezh en tric'hornioù skouer (sinus, kosinus, tañjantenn).
Ar c'hosinus, ar sinus hag an dañjantenn a zo binvioù a c'haller jediñ hirderioù ha muzulioù kornioù gante e-barzh an tric'hornioù skouer.
Termenadur 1 :
Kosinus ar c'hornioù a zo kevatal d'ar c'heñver : ${\textrm{Hirder kostez sko ar c'horn}}\over {\textrm {Hirder an hipotenuzenn}}$
Sinus ar c'hornioù a zo kevatal d'ar c'heñver : ${\textrm{Hirder kostez enep ar c'horn}}\over {\textrm {Hirder an hipotenuzenn}}$
Tañjantenn ar c'hornioù a zo kevatal d'ar c'heñver : ${\textrm{Hirder kostez enep ar c'horn}}\over {\textrm {Hirder kostez sko ar c'horn}}$
Skouer 1 :
$\cos ( \widehat {ABC})= {{\textrm{AB}}\over {\textrm {BC}}}$
$\sin ( \widehat {ABC})= {{\textrm{AC}}\over {\textrm {BC}}}$
$\tan ( \widehat {ABC})= {{\textrm{AC}}\over {\textrm {AB}}}$
Evezhiadenn 1 :
Kosinus ha sinus ar c'hornioù lemm a vez atav etre 0 hag 1.
Skouer 1 :
Jediñ hirderioù 
Jediñ TI :
Anavezet eo kostez sko ar c'horn $\widehat{TIR}$
ha klask a reer ar c'hostez enep.
Implijet e vo neuze ar c'heñver tañjantenn.
Ar tric'horn TIR a zo skouer e T, neuze :
$\tan (\widehat{TIR}) = {TR \over TI}$
$\tan (50°) = {7 \over TI}$
${{\tan (50°)}\over{1}} = {7 \over TI}$
$TI = {{7 \times 1}\over{\tan (50°)} }$
$TI \approx 5,87 cm$
Skouer 2 :
Jediñ muzul ar c'hornioù 
Jediñ muzul ar c'horn ${\widehat{BAC}}$ , krennet d'an dekvedenn :
Klask a reer muzul ar c'horn hag anavezout a reer ar c'hostezioù sko hag enep,
implijet e vo ar sinus.
Gouzout a reomp ez eo ABC un tric'horn skouer e B, neuze :
$\sin (\widehat{BAC}) = {BC \over AC}$
$\sin (\widehat{BAC}) = {4 \over 5}$
${\widehat{BAC}}= \arcsin({4 \over 5}) \approx 53,1°$
Evezhiadenn 1 :
Evit kaout arcsin ez eo ret pouezañ war an douchenn « 2nde » ha war-lerc'h « sin »
